Wednesday, June 13, 2012

හීන අරන් ආයෙමත්

සුදු අතින් අල්ලගෙන,
හිමිදිරියේ පිනි වැ‍ටුනු,
ගුරු පාර කෙළවරක,
ඇවිදයන්න ආයෙමත්....

වෙල් එලියේ මඳ සුලඟට,
දඟ කරන නුඹේ කෙහෙ‍රැලි,
වසාගත්  නුඹේ දෙකොපුල්,
සිපගන්න ආයෙමත්....

උරතලයේ හිස හොවාන,
සුවෙන් නිදන නුඹ දිහා,
ඇසිපිය නොහෙලා නෙත්,
බලන් ඉන්න ආයෙමත්....

හීනෙනුත් හිත ඉල්ලන,
හිත පුරා දඟ කරන,
නුඹේ පිරුනු ආදරය,
විඳගන්න ආයෙමත්.....

මං එන්නද හෙට උදේම,
හීන අරන් ආයෙමත්............

24 comments:

  1. එන්න එන්න හින අරන් එන්න..

    ReplyDelete
  2. හීන කියන දේවල් ජීවිතේකට වැඩියෙනුත් නැතුව අඩුවෙනුත් නැතුව ටිකක් තිබුණාම හොඳටෝම ඇති :)

    ReplyDelete
    Replies
    1. ඇත්ත ඇත්ත.... මටත් එහෙම හිතෙනවා..

      Delete
  3. දකින දකින හැම හීනෙම
    එළිය කල නු‍ඹේ රූපෙම
    ආයෙමත් ආවා නොදැනිම
    පාට කරනට මගේ හීනෙම...

    ReplyDelete
    Replies
    1. පාට කරන්න,
      හීන ඔක්කොම,
      දෙන්න මට,
      මොහොතකට අවසර...

      Delete
  4. නුඹෙ අතින් අල්ලගෙන
    වෙල් එළියෙ දිව යන්න
    උරතලයේ හිස හොවාන
    නුඹෙ උණුහුමට ගුලිවෙන්න
    හිතම හිරි වට්ටන
    අපේ හීන වල කිමිදෙන්න
    හෙට උදෙන්ම දිව එන්න
    ආසයි ඔය මුහුණ දැකගන්න

    ReplyDelete
    Replies
    1. එයි එයි.. අනිවාර්‍යයෙන් එයි...

      Delete
  5. කෙලීගෙ පුංචි හිත හීන වලින් බරකරල මාරුවෙනවා හෙම නෙවෙයි ඕං.....


    ප්‍රේමනීය කව්යක්....

    ReplyDelete
    Replies
    1. හි හි හී... එහෙම කරනවද මේ මං... ස්තුතියි මලයා...

      Delete
  6. අඩුත් නැති , වැඩිත් නැති. අනවශ්‍ය සක්ක පද නැති හොඳ කවිබන්තියක් දැනේන ලියල තියෙනවා. ඒවගේ නිර්මාණාත්මක අදහස අපූර්ව ආකාරයෙන් පෙළගස්වා තිපබනවා. හොඳ නිර්මාණයක්.

    ReplyDelete
    Replies
    1. බොහෝම ස්තුතියි රත්නායක මහත්තයෝ.. ඔබ වැන්නෙකුගෙන් මෙවන් අගයකිරීමක් ලැබීම මට ලොකු සතුටක්...

      Delete
  7. රෑට අවොත් කොහොමද ?උදේට නිදාගන්නේ නැහැනේ ...

    ReplyDelete
    Replies
    1. රෑ බලපු හීනත් එක්ක තමයි උදේට එන්නේ......

      Delete
  8. සුදු අතින් අල්ලගෙන
    වෙල් එලියේ මඳ සුලඟට
    උරතලයේ හිස හොවාන
    හීනෙනුත් හිත ඉල්ලන
    හ්ම්ම්ම්ම්
    නුඹ දිහා
    බලන් ඉන්න
    හෙට උදේම
    එන්නද
    ආයෙමත්
    මම

    ReplyDelete
    Replies
    1. හෙට එළි වෙනකල් මම බලගෙන ඉන්නවා...

      Delete
  9. සෑහෙන්න ලස්සනයි...........

    ReplyDelete
  10. පරක්කු වැඩිද මන්ද......

    ReplyDelete
    Replies
    1. ගොඩාක්.... පරක්කුද?

      Delete
    2. හ්ම්ම්ම්ම්ම්ම් මට දැනුනෙ ඒවගේ...

      Delete
  11. වෙල්යාය කපාගෙන
    මුදු සුළන් හමනවද තාමත්
    අපි නැතීව වැට දිගේ
    පිච්ච මල් පිපෙනවද තාමත්

    රෑ අහස පුරා මම
    නුඹේ රුව අදිනවා තාමත්
    හෙට එලි වෙන්නේ කීයටද
    සඳු ගියේ නැද්ද තාමත්

    රතුපාට මල් ගවුම
    තියෙනවා මන් ගාව තාමත්
    කොන්ඩෙ නම් දිග නෑ
    එත් දඟ කරනවා තාමත්

    තනිපාට නිල් කමිසේ
    ආසයි මන් ඒකට තාමත්
    මන් දිපු පුන්චි තෑග්ග
    නුඹට හැඩට ඇති තාමත්

    එළිවෙන්නේ කීයටද
    රෑ දෙකයි තාමත්
    අපි හෙට මුණගැහෙනවා
    අවුරුදු 12ට පස්සේ ආයෙමත්...

    ReplyDelete
    Replies
    1. හම්ම්ම්ම්... අවුරුදු 12කින්......

      Delete
  12. හ්ම්ම්ම්...... උදේ වෙද්දි හීන පර ව්එයිනේ???

    ReplyDelete