නුඹේ දෑත පටලාගෙන,ගං ඉවුර කෙළවරක,
ඇවිද ගිය හැන්දෑව,
සොඳුරුයිද මොනතරම්....
මන්දාරම් වැහි පොදට,
හමා එන සීතල සුලඟට,
තෙමුනු නුඹේ සියොළඟ,
සොඳුරුයිද මොනතරම්....
වැහි බිඳු සිපගත්ත,
නුඹේ සිනිදු දෙකොපුල්,
සිහින් දෙතොල් පෙති,
සොඳුරුයිද මොනතරම්....
සීතලට ගැහෙන,
ඇඟිලි තුඩු සිපගෙන,
මගේ උනුහුමට ගුලි උන,
හාදු වැස්සෙන් මා තෙමාපු,
ඒ මන්දාරම් හැන්දෑව,
සොඳුරුයිද මොනතරම්....
ආයෙත් දවසක ඒ සොඳුරු හැන්දෑවෙ
ReplyDeleteඔබ සමග තනිවෙන්න ඇත්නම
ජීවිතේ සොඳුරුයිද මොනතරම්....
හම්ම්ම්ම්ම් ඒක හීනයක නොවේවා..
Deleteහ්ම්ම්ම්......
ReplyDelete"ඒ මන්දාරම් හැන්දෑව,
සොඳුරුයිද මොනතරම්...."
කාලෙකට පස්සේ...
Deleteමතකද හැන්දෑවේ අපි දෙන්නා සීන් එක වගේ :)
ReplyDeleteසෑම් කිව්වම තමයි මටත් මතක් උනේ..
Deleteළබැඳි සිතුවිල්ලක්... වැහි වැටෙන හැනිදෑව මේ වගේ මනරම්
ReplyDeleteස්තුති සර්... ඔබතුමා අපිට ලොකු හයියක්..
Deleteහරිම ලස්සන කවි සිතුවිල්ලක්...
ReplyDeleteස්තුති නිමා..
Deleteමටනම් මතක් වුණේ මිණි මිණි පොද වැටේවි ගීතය
ReplyDeleteහරිම ලස්සනට ලියැවුණ සිතුවිල්ලක්..
ස්තුති නන්ඳු..
Deleteලස්සනම ලස්සනයි!!!
ReplyDeleteස්තුතියි හිතූ.....
Deleteමේ කවිය මගෙ හිතට සොඳුරුයිද කොයිතරම්
ReplyDeleteඅතීතය මතක් උනා නේද?
Deleteඒසොඳුරු හැන්දෑව
ReplyDeleteමෙනෙහිකරනා විටදි
කොනිත්තා හිත් මඩල
නෙත් අගට කඳුළු දෙන
ආදරේ පෙරලිලා
විරහ වේදනාවට
ලියන මේ සිතුවිල්ල
මනරම්ද කොයිතරම්.....
හෙන්දිරික්කා මල් පිපෙන හැන්දෑව,
Deleteවගේ සොඳුරුයි ඒ ආදරයත්...
කොතරම් දුකක් උනත්,
ඇගේ උනුහුම දැනෙනවා තාමත්.....
අතීතය සොදුරුයිද මොනතරම්...
ReplyDeleteලස්සනයි කවිටික හැමදාම වගේ පින්තූරෙත් සුපර්.....
කඩුගන්නාව හන්දියෙදි දවසක්....
ReplyDeleteනා කපන වැස්ස වෙලාවෙ,
පොඩි කුඩයක් යටින් යන දෙන්නෙක්,
කුඩේ මදි දෙන්නට නොතෙමී යන්න.....
අනික එන හුලඟත් එක්ක එක වැස්සෙන් තුන් හතර වතාවක් එක පාරට තෙමෙනව,
ඒත් උන් දෙන්නෙගෙ මූණු වල තිබ්බ සන්තෝසෙ,
ඇස් වල තිබ්බ දීප්තිය,
ඒක හෝදල අරින්න ඒ මහා වැස්සට බෑ!
ප.ලි
මම පැත්තකට වෙලා තට්ට තනියම මේ දෙන්න දිහා බලන් හිටිය.මගේ කෙනා කවුද කියලවත් මට තවම හොයාගන්න බැරිවෙච්චි එකේ වෙන මුකක් කරන්නද.......?
හ්ම්ම්..ලස්සනම ලස්සනයි ලොක් අයියේ! :)
ReplyDelete//..නුඹේ දෑත පටලාගෙන,
ReplyDeleteගං ඉවුර කෙළවරක,
ඇවිද ගිය හැන්දෑව,
සොඳුරුයිද මොනතරම්....//
හැමදාමත් වගේ කවි ටික හරිම ලස්සනයි අයියේ....
මතක් වෙනකොට
ReplyDeleteසොඳුරුයිද මොනතරම්...
ඒ මන්දාරම් හැන්දෑව,
ReplyDeleteසොඳුරුයිද මොනතරම්
සොඳුරුයිද මොනතරම්....
සියොලඟම කිති කැවෙන
ReplyDeleteහැඟුමකින් මා වෙළුව
ඔබේ නෙත් කවුළු තුල
සැම විටම මා දුටුව
නුඹේ දෙතොල් සිප ගත්ත
වැහි බින්දු මම සිඹ
ඒ එකම හැන්දෑව
මොනතරම් සුන්දරද?
කොමෙන්ට් එකක් පරක්කු උනාට සොරි වේවා.මේකට ලස්සනයි කියල විතරක් කියල යන්න හිත දුන්නේ නෑ.කවියක් ලියාගන්න දත කෑවා මිසක්.....